Tuttugasti og annar Verzlingur vikunnar
Nemó, ég fæ mér kannski annan það er Nemó! Kæri lesandi núna er Nemó búið, Barbí frumsýnt og Annállinn búin að líta dagsins ljós. Hvað meira er eftir? Maður spyr sig. En eins og vitur maður sagði „Mundu bara að njóta en ekki þjóta og við skulum halda okkur við þau orð og ekkert vera að dýfa okkur ofan í neina framtíðarspeki. Vikan var þó kannski ekki í lengri kantinum, en hún var svo sannarlega í þeim betri. Vikan hófst á ljúffengu bakkelsi á Marmz, alltaf gott að byrja viku á freeshidd. Í hádeginu urðu Verzlingar því miður fyrir miklum vonbrigðum þegar það var hætt við að vaxa Ken, það átti semsagt að vaxa ÖLL líkamshár af þeim leikurum í Barbí sem mundu leika Ken, en maður þarf bara að ímynda sér það. Á þriðjudaginn var haldið (aftur?) upp á stórafmæli okkar bestu konu Gunningu #mandelaeffect. Svo var lowkey bara kominn fimmtudagur... THE ANNUAL NEMÓ DAY OF FUN. Einn besti dagur ársins með pakkaðri dagskrá. Þar sem bekkir njóta heilum degi saman í mat, drykk og upplifun. Flestir byrja á bröns og kíkja svo á sýninguna, nema þeir bekkir sem sáu hana á miðvikudeginum, þeir detta bara í laaangan bröns eða kíkja á eitthvað fun activity. Svo um kvöldið hittist bekkurinn aftur í smá pregame fyrir ballið, sumir bekkir kjósa það að fá artista, aðrir í kareoke og sumir henda bara í gott spjall, það er allt hægt. Svo er bara eitt eftir og það er að drulla sér í Víkina og hlusta á Birni, Hipsumhaps, DJ Emil Lorange, Alösku, Gísla Pálma, Gross og Flona. Kæri lesandi, þetta var í alvörunni line-upið, þetta shit mun næra kynslóðir. Svona line-up kemur bara fyrir einu sinni á hverjum árþúsundi og við þökkum Nemó fyrir að láta það lenda á okkur. Svo nýttu flestir fríið á fös í að lyggja upp í rúmi, panta Hlölla á Wolt og horfa á Golden Girls, eiginlega ekki mikið annað hægt að gera.
En nú kynni ég með stolti að Verzlingur vikunnar 22. viku 25/26 er heila Barbí klabbið. Jújú, það voru nú fjölmargir sem áttu stórleik á Nemóballinu en staðan er sú að maður verður að viðurkenna snilldina sem þessi söngleikur er. Ég var það heppinn að fá að sitja á fremsta bekk á sýningunni og ég skal segja þér það, kæri lesandi, að ég sat þarna með gæsahúð allan tímann. Það er eitthvað svo einstakt við það að fylgjast með ferlinu alveg frá byrjun, frá því þegar fyrstu prufurnar voru, þegar það var skipt um söngleik og þegar Nemó hertók íþróttasalinn með valdi. Maður situr úti í salnum eins og stolt foreldri að sjá barnið sitt rennitækla eitthvað ógeð með hor og skora þriggja stiga körfu frá miðju eftir að hafa horft á það alast upp og dafna. Blómið blómstrar, kæri lesandi, það blómstrar. Allt í allt komu um 188 manns að sýningunni og eiga þau öll skilið shoutout, en þar sem ég vil ekki lengja þetta of mikið þá ætla ég bara að nefna upp allar nefndir og hópa sem bjuggu þetta meistaraverk til. Um er að ræða (í engri sérstakri röð): búninganefnd, leikgervisnefnd, leikskráarnefnd, ljósmyndanefnd, markaðsnefnd, PR-nefnd, spotljós, sviðsmyndanefnd, sýningastjóra, tækninefnd, vídjó/TikTok-nefnd, Annállinn, aðstoð á sýningu, leikstjóri, dansstjóri, söngsstjóri, tónlistarstjóri, hljóðmaður, tæknimaður, leikhópur, Nemendamótsnefnd og seinast en ekki síst aðstoðarmenn leikstjóra. Ég veit hvað þú ert að hugsa kæri lesandi: „Holy guac, what the moly that‘s a lot of nefndir“ og það er rétt að hugsa það. Málið er að Nemó er ekki lítil krútleg trilla, þetta er fokkín flugmóðurskip og vel gert þið hundrað áttatíu og átta manns fyrir að takast þess að sigla þessu flugmóðurskipi inn í höfn þrátt fyrir háar öldur og mikinn mótvind. Því sama hvað bjátar á, þá setjið þið ykkar eigin vind í seglin og látið ekkert stoppa ykkur. Þetta fólk bókstaflega svaf í Nemkja, braut á sér puttann, jugglaði skóla, vinum, æfingum og svefni, í einu, og öll með sama markmið í huga, að setja upp besta söngleik sem Verzló hefur nokkurn tíman séð. Setjum virðingu á nafnið, Barbí... get your tickets now.
- Jón Króla, ritstjóri Verzlings vikunnar
